Italiýanyň Presiççe-Akwarika şäheri (Apuliýa sebiti) şäherde öý satyn alyp, hasaba alnan islendik adama 30 müň ýewro möçberinde grant berip başlar. Bu barada forbes.kz habar berýär.
Grant muzdsuz esasda berler. Onuň bilen ýaşaýyş jaýynyň 50%-ini tölemek ýa-da satyn alnan emlägiň abatlaýyş işlerine sarp etmek bolar. Presiççe-Akwarikada öýleriň bahasy 40 müň ýewrodan, ýaşamak üçin jaýlaryň bahasy 60 müň ýewrodan başlanýar.
Şeýlelik bilen, şäher häkimligi şähere täze ýaşaýjylary çekmek isleýär. Beýleki köp sanly oba ýerleri ýaly Presiççe-Akwarika hem ýaşaýjylarynyň has uly ilat nokatlaryna göçmeginden kösenýär. Häzirki wagtda şäherde 10 müňden gowrak adam ýaşaýar. Şäherlilere gitmek barada pikirlenmäge ýol bermezlik üçin häkimlik hatda çaganyň dünýä inmegine müň ýewro-da berip başlady.
Presiççe-Akwarikada öý satyn almak üçin grant Italiýada şeýle görnüşli ilkinji taslamadyr. Şeýle tölegi ýakyn wagtda Sardiniýadaky obalaryň birinde-de girizmek meýilleşdirilýär. Ol ýerde grantyň mukdary 15 müň ýewro bolar.
