Türkmenistanyň Prezidenti Serdar Berdimuhamedow Türkiýäniň Bartyn welaýatynda kömür şahtasynda bolup geçen partlama zerarly köp sanly adam pidalary bilen bagly Prezident Rejep Taýyp Ärdogana gynanç hatyny iberdi.
Türkmen Lideri heläkçiligiň pidalarynyň dogan-garyndaşlaryna we ýakynlaryna tüýs ýürekden çykýan medet beriji sözlerini ýetirdi, şikes alanlara bolsa, tiz wagtda gutulmagyny arzuw etdi.
TmCars.info-nyň öň habar berşi ýaly, soňky maglumatlara görä, Türkiýäniň Bartyn welaýatynda Amasra etrabynda kömür şahtasynda bolup geçen heläkçilik zerarly aradan çykanlaryň sany 41 adama ýetdi.
Amasra etrabynda şahtalaryň birinde anna güni ýerli wagt bilen 18:15-de partlama bolup geçdi.
