Türkiýäniň Tekirdag welaýatynyň Marmaraereglisi şäheriniň ýaşaýjylary Mermer deňziniň suwunyň kenarýakadan birden 20 metr çekilendigi barada habar berdiler. Netijede, 16-njy dekabrda kenarýakada çäge adajyklary emele geldi diýip, Haberturk teleýaýlymy habar berýär.
Şaýatlaryň aýtmagyna görä, şuňa meňzeş ýagdaý üç ýyl mundan ozal hem görlüpdi, ýöne bu gezek suw örän gysga wagtyň içinde çekildi. Geçen hepde hem suw giňişliginde hiç hili üýtgeşme duýulmandy.
Suwuň çekilmegi netijesinde, saý ýerde duran birnäçe gaýyk çäge oturdy. Ejir çekenler barada maglumat ýok.
Bu hadysanyň sebäplerini 2023-nji ýylda şuňa meňzeş ýagdaýlary seljeren Kandilli obserwatoriýasynyň alymlary düşündirdi. Hünärmenler bu hadysanyň diňe atmosfera basyşynyň üýtgemegi sebäpli ýüze çykandygyny nygtadylar. Barlagçylar suwuň çekilmegi bilen sebitdäki seýsmiki işjeňligiň arasynda hiç hili baglanyşygyň ýokdugyny aýtdylar.
