12-nji oktýabrda agşam Gazagystanyň paýtagty Astana şäherinde Garaşsyz Döwletleriň Arkalaşygynyň daşary işler ministrleriniň Geňeşiniň mejlisi geçirildi. Onuň barşynda hyzmatdaşlygy çuňlaşdyrmak meseleleri, sebit we halkara gün tertibiniň ileri tutulýan ugurlary maslahatlaşyldy diýip, Gazagystanyň DIM-niň metbugat gullugy habar berýär.
Gazagystanyň DIM-niň ýolbaşçysy Muhtar Tleuberdiniň ýolbaşçylygynda geçirilen mejlise Azerbaýjanyň, Ermenistanyň, Belarusuň, Gyrgyzystanyň, Russiýanyň, Täjigistanyň, Türkmenistanyň we Özbegistanyň daşary işler ministrleri gatnaşdylar.
«Gepleşikleriň netijeleri boýunça Arkalaşygyň çäklerinde özara gatnaşyklary çuňlaşdyrmaga gönükdirilen birnäçe çözgütler kabul edildi» - diýlip, habarda aýdylýar.
Ministrler şeýle hem 14-nji oktýabrda Gazagystanyň paýtagtynda geçiriljek GDA-nyň sammitinde döwlet Baştutanlarynyň garamagyna hödürleniljek resminamalaryň taslamalaryny ylalaşdylar
