10-njy oktýabrda bellenilýän Türkmenistanyň saglygy goraýyş we derman senagaty işgärleriniň güni mynasybetli Prezident Serdar Berdimuhamedow käbir raýatlary döwlet sylaglary bilen sylaglamak hakynda degişli Permana gol çekdi.
Resminama laýyklykda:
- Myrat Garryýew adyndaky Türkmenistanyň Döwlet lukmançylyk uniwersitetiniň anesteziologiýa we reanimatologiýa kafedrasynyň müdiri Kuwat Myrat Gaýypowa «Türkmenistanyň halk lukmany»;
- Türkmenistanyň Saglygy goraýyş we derman senagaty ministrliginiň Ýöriteleşdirilen dikeldiş merkeziniň baş lukmany Ilaman Aşyrowa we Myrat Garryýew adyndaky Türkmenistanyň Döwlet lukmançylyk uniwersitetiniň Enäniň we çaganyň saglygyny goraýyş okuw-ylmy merkeziniň direktory Täzegül Niýazmuhammedowna Saryýewa «Türkmenistanyň at gazanan saglygy goraýyş işgäri» diýen hormatly atlar dakyldy.
