Gazagystanyň Mejlisi (parlamentiň aşaky palatasy) Türkmenistan bilen baglaşylan şertnamanyň ratifikasiýasyny makullady. Gürrüň gazak-türkmen döwlet serhediniň delimitasiýasy we Hazar deňzindäki ýanaşyk balykçylyk zolaklarynyň ýerlerini araçäkleşdirmek hakynda barýar. Bu barada TASS ýazýar we kanunçylyk edarasynyň saýtynda görkezilendigi habar berilýär.
Döwletleriň arasyndaky şertnama geçen ýylyň oktýabr aýynda Aşgabatda gol çekilipdi. Resminama Gazagystan bilen Türkmenistanyň Hazaryň düýbünden geçýän serhedini kesgitlemäge çagyrýar.
Bu ädim Gazagystanyň günorta araçäklerindäki döwlet serhedini delimitasiýa etmek prosesini tamamlar we ýurtlaryň arasynda deňizden geçýän döwlet serhetlerini ýuridiki berkidýän taryhda ilkinji resminama bolar diýip bellenýär.
Soňra şertnama Gazagystanyň Senatynyň (parlamentiň ýokarky palatasy) garamagyna geçiriler.
