Türkmenistan ABŞ-nyň harby edaralarynyň wekilleri bilen duşuşyk geçirdi

  • 27.09.2022 14:58
  • 38k+

Türkmenistanyň DIM-inde Türkmenistanyň Daşary işler ministri R.Meredow bilen Montana ştatynyň General maýory, General adýutanty, Montana ştatynyň Milli gwardiýasynyň Baş serkerdesi we Montana ştatynyň Döwlet departamentiniň Harby meseleler boýunça müdiri Jon P. Hronek bilen duşuşyk geçirildi. Bu barada Türkmenistanyň DIM-niň saýty habar berýär.

Taraplar ABŞ-nyň Merkezi serkerdeligi, ABŞ-nyň Milli gwardiýa býurosy bilen Türkmenistanyň Goranmak ministrliginiň arasynda Hyzmatdaşlyk maksatnamasynyň gaýtadan täzelenmegini ara alyp maslahatlaşdylar. Bu maksatnamanyň netijesinde Newada ştatynyň Milli gwardiýasy tarapyndan ýerine ýetirilen birnäçe öndürijilikli alyş-çalyşlar, okuwlar durmuşa geçirildi.
Şeýle hem taraplar tebigy betbagtçylyklaryň we adatdan daşary ýagdaýlaryň netijelerine garşy göreşmek hem-de ýok etmek, kiber goragy we kiber howpsuzlyk, inženerçilik we gurluşyk işler we ş.m ugurlar boýunça iki ýurduň arasyndaky harby edaralaryň hyzmatdaşlygyny ara alyp maslahatlaşdylar. Her ýyl hyzmatdaşlyk maksatnamasynyň çäklerinde Aşgabatda we Türkmenistanyň daşynda hem amerikan we türkmen hünärmenleriniň gatnaşmagynda birnäçe çäreler we okuwlar geçirilýär.


düýn 18:32
2.2k+

ABŞ-nyň kazyýeti OpenAI-y hatda pozulan çatlary hem saklap galmaga borçlandyrdy. Bu ulanyjylarda howsala döredýär

Nýu-Ýorkyň Günorta okrugynyň Okrug kazyýeti OpenAI kompaniýasyny ChatGPT ulanyjylarynyň ähli gepleşiklerini, şol sanda öçürilen we anonim söhbetleri hem saklamaga borçlandyrdy. Bu karara garşy arz etmek synanyşyklary ret edildi diýip, Ars Technica neşiri habar berýär...

düýn 12:10
5.6k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

düýn 12:05
3.6k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...

düýn 11:58
4.1k+

Türkmenistanyň we RF-niň Daşary işler ministrlikleri 2025-2026-njy ýyllar üçin hyzmatdaşlyk Maksatnamasyna gol çekdiler

25-nji iýunda Türkmenistanyň Daşary işler ministrliginde Russiýa Federasiýasynyň daşary işler ministri Sergeý Lawrowyň ýolbaşçylygyndaky wekiliýet bilen duşuşyk geçirildi. Gepleşikleriň gün tertibine döwletara gatnaşyklary mundan beýläk-de ösdürmegiň möhüm meseleleri girizildi...