24-nji sentýabrda Prezident Serdar Berdimuhamedowyň tabşyrygy boýunça Döwlet migrasiýa gullugynda Türkmenistanyň raýatlygyna kabul edilen adamlara pasportlar gowşuryldy.
Öň, TmCars.info-nyň habar berşi ýaly, Ministrler Kabinetiniň 23-nji sentýabrda geçen mejlisinde Türkmenistanyň Prezidentiniň gol çeken resminamasyna laýyklykda, ýurdumyzyň çäklerinde hemişelik ýaşaýan hem-de 26 milletiniň wekilleri bolup durýan 1530 adam Türkmenistanyň raýaty boldy. Şeýle hem 315 adama, ýagny dünýäniň 9 döwletiniň raýatlaryna we 23 milletiň wekillerine Türkmenistanda ýaşamak üçin ygtyýarnamalar berildi.
Raýatlygy aradan aýyrmak boýunça hereketleriň 2024-nji ýyla çenli Milli meýilnamasynyň yzygiderli durmuşa geçirmegi netijesinde, ata-babalarymyzyň ynsanperwerlik we rehimdarlyk ýörelgelerinden ugur alyp, halkara hukugyň kadalaryna eýerip, soňky ýyllarda Türkmenistan ýurdumyzda ýaşaýan we hiç hili raýatlygy bolmadyk adamlaryň 28 müň 167-sine öz raýatlygyny berdi. Daşary ýurt raýatlarynyň we raýatlygy bolmadyk adamlaryň 4 müň 438-si Türkmenistanda ýaşamaga ygtyýarnama aldylar.
