Türkmenistanda täze ýolagçy awtomenzilleriniň 4-si açylar

  • 19.09.2022 13:56
  • 35k+

Balkan, Daşoguz, Lebap we Mary welaýatlarynda ýolagçy awtomenzilleriniň açylyş dabarasy geçiriler.

Oňa görülýän taýýarlyk barada 17-nji sentýabrda geçirilen Hökümet mejlisinde Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýewiň beren hasabatynda nygtalyşy ýaly, täze awtomenzillerde awtobuslara GPS ulgamy arkaly gözegçilik etmäge we olara ýol hatlaryny elektron görnüşde resmileşdirmäge, ýolagçylara onlaýn tertibinde petek satmaga we olara awtobus ugurlary baradaky maglumatlar bilen tanyşmaga mümkinçilik döredilendir. Şeýle-de olarda ýolagçylar we sürüjiler üçin zerur bolan ýokary derejeli şertler üpjün edildi.
Şunuň bilen baglylykda, agentligiň ýolbaşçysy döwlet Baştutanynyň garamagyna täze desgalaryň açylyp ulanmaga berilmegi mynasybetli taýýarlanan degişli meýilnamanyň taslamasyny hödürledi. Şunuň bilen baglylykda, Prezident Serdar Berdimuhamedow agentligiň ýolbaşçysyna awtomenzilleriň açylyş dabarasy bilen baglanyşykly birnäçe tabşyryklary berdi.


düýn 19:03
952

Aşgabatda Bitarap Türkmenistan şaýoly boýunça ulaglaryň hereketi dolulygyny dikeldildi

Aşgabatda Bitarap Türkmenistan şaýolunyň Atamyrat Nyýazow we Arçabil şaýollarynyň çatrygynyň aralygyndaky ulaglaryň hereketi doly dikeldildi. Bu barada Aşgabat şäher häkimligi habar berýär. Öň, bu bölek 6-njy awgustdan başlap, Türkmenistanyň hemişelik Bitaraplygynyň 30 ýyllyk dabaralaryna taýýarlygyň çäklerinde giň möçberli abadanlaşdyryş işleri üçin bölekleýin ýapylypdy...

düýn 18:56
284

Türkmenistan Astrahan bilen bilelikdäki ulag-logistika taslamalary maslahatlaşdy

Türkmenistanyň wise-premýeri M.Çakyýew Russiýa Federasiýasynyň Astrahan oblastynyň hökümetiniň başlygy Denis Afanasýewiň ýolbaşçylygyndaky wekiliýet bilen duşuşdy. Duşuşykda «Demirgazyk — Günorta» ulag geçelgesiniň çäginde bilelikdäki taslamalaryň durmuşa geçirilmegi ara alnyp maslahatlaşyldy...

20.09.2025 10:03
7.3k+

Balkan welaýatynda karbamid öndürýän toplum gurlar

Balkan welaýatynyň Türkmenbaşy etrabynda ýylda 1 million 155 müň tonna karbamid öndürýän toplum gurlar. Prezident Serdar Berdimuhamedow “Türkmenhimiýa” döwlet konsernine degişli toplumyň taslamasyny düzmek we ony ýanaşyk ýerlerini abadanlaşdyryp gurmak barada daşary ýurt kompaniýalary bilen şertnama baglaşmaga ygtyýar berdi...

20.09.2025 09:49
4

Altyn asyr, Garaşsyzlyk, Gubadag, Farap, Döwletli, Garabekewül, Oguzhan etraplarynyň häkimlikleri döredildi

19-njy sentýabrda Türkmenistanyň Halk Maslahatynyň mejlisiniň barşynda ýurdumyzyň dolandyryş-çäk bölünişigine üýtgeşmeler girizilip, täze etraplar döredildi. Ahal welaýatynda Altyn asyr etrabynyň, Daşoguz welaýatynda...