Aşgabatda ýüzbe-ýüz görnüşde türkmen-ermeni syýasy geňeşmeleri geçirildi

  • 14.09.2022 08:54
  • 3.8k+
Aşgabatda ýüzbe-ýüz görnüşde türkmen-ermeni syýasy geňeşmeleri geçirildi

13-nji sentýabrda Aşgabatda Türkmenistanyň we Ermenistan Respublikasynyň Daşary işler ministrlikleriniň arasynda syýasy geňeşmeler geçirildi. Onda Türkmen wekiliýetine daşary işler ministriniň orunbasary W.Hajiýew, Ermenistan Respublikasynyň wekiliýetine ýurduň daşary işler ministriniň orunbasary M.Safarýan ýolbaşçylyk etdi.

TDIM-niň Metbugat gullugynyň habar berşi ýaly, duşuşygyň dowamynda taraplar syýasy, söwda-ykdysady, medeni-ynsanperwer ugurlarda ikitaraplaýyn hyzmatdaşlygyň esasy meselelerini jikme-jik ara alyp maslahatlaşdylar. Taraplar şu ýyl Türkmenistan bilen Ermenistan Respublikasynyň arasynda diplomatik gatnaşyklara 30 ýyl dolýandygyny belläp, bu babatda birnäçe çäreleri geçirmegi teklip etdiler.
Şeýle-de diplomatlar söwda-ykdysady gatnaşyklaryň oňyn depginini belläp, Türkmenistanyň ýangyç-energetika pudagynda we beýleki ugurlarda hyzmatdaşlygyň geljegini ara alyp maslahatlaşmaga taýýardygyny nygtadylar. Gepleşikleriň ahyrynda taraplar medeni-ynsanperwer ugurly hyzmatdaşlygy giňeltmek meselelerini ara alyp maslahatlaşdylar.


düýn 09:50
1.5k+

Türkmenistan we Täjigistan söwda-ykdysady hem-de maýa goýum hyzmatdaşlygyny maslahatlaşýar

20-nji noýabrda Duşenbe şäherinde Türkmenistan bilen Täjigistan Respublikasynyň daşary syýasat edaralarynyň arasynda syýasy geňeşmeler geçirildi. Bu barada Türkmenistanyň DIM-niň metbugat gullugy habar berýär....

düýn 09:40
1k+

Aşgabatda BMG-niň Baş sekretarynyň Ýörite wekili bilen duşuşyk geçirildi

Türkmenistanyň daşary işler ministriniň orunbasary Mähri Bäşimowa BMG-niň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze bilen...

düýn 00:17
2.4k+

Moskwada Ispaniýanyň Türkmenistanda täze bellenen ilçisi bilen duşuşyk geçirildi

Türkmenistanyň Russiýa Federasiýasyndaky ilçisi Esen Aýdogdyýew Ispaniýa Patyşalygynyň Türkmenistanda täze bellenilen ilçisi Rikardo Martines Waskes bilen duşuşdy. Bu barada RF-däki türkmen ilçihanasynyň resmi...

19.11.2024 13:02
2.1k+

Bosniýa we Gersegowinanyň Türkmenistandaky ilçisi Mejlisiň Başlygyna ynanç hatyny gowşurdy

18-nji noýabrda Prezident Serdar Berdimuhamedowyň tabşyrygy boýunça Mejlisiň Başlygy D.Gulmanowa Bosniýa we Gersegowinanyň Türkmenistandaky Adatdan daşary we Doly ygtyýarly ilçisi jenap Niýaz Çardakliýadan ynanç...