Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasynyň (ŞHG) sammitiniň çäklerinde Russiýa Federasiýasynyň Prezidenti Wladimir Putin bilen duşuşar diýip, RIA Nowosti agentligi rus lideriniň halkara işleri boýunça kömekçisi Ýuriý Uşakowa salgylanyp habar berýär.
ŞHG-niň sammiti 15-16-njy sentýabrda Özbegistanyň Samarkand şäherinde geçiriler. Türkmen Lideriniň sammite hormatly myhman hökmünde gatnaşmagyna garaşylýar.
Şeýle hem sammite ŞHG agza döwletleriň — Hindistanyň, GAzagystanyň, Hytaýyň, Gyrgyzystanyň, Pakistanyň, Russiýanyň, Täjigistanyň we Özbegistanyň liderleriniň, şeýle hem synçy döwletleriň — Belarusuň, Eýranyň we Mongoliýanyň liderleriniň gatnaşmagyna garaşylýar.
Türkmenistanyň Prezidentinden başga-da, hormatly myhman hökmünde sammite Ermenistanyň, Azerbaýjanyň we Türkiýäniň liderleri gatnaşar.
