Türkmenistanda geljek hepdäniň howa maglumaty (12.09 — 18.09)

  • 11.09.2022 20:05
  • 29k+

Türkmenistanda sentýabryň başynda yssy bolanam bolsa, öňümizdäki hepde ülkämiz boýunça temperaturanyň ortaça +31 dereje bolmagyna garaşylýar. Bu geçen hepde bilen deňeşdirilende,​ ​ dört dereje salkyndyr.

Aşgabatda we Ahal welaýatynda öňümizdäki hepdäniň dowamynda ortaça temperatura, geçen ýedi gün bilen deňeşdirilende, dört dereje salkynlap,​ +31 dereje bolar. Duşenbe güni​ +28, sişenbe güni​ +31, çarşenbe güni bolsa​ +35 derejä çenli yssy bolmagyna garaşylýar.

Penşenbe güni temperaturanyň aňrybaş derejesiniň​ +34 derejä çenli aşaklamagyna garaşylýar. Anna güni howa​ +30 dereje bolar we az-kem ýagyn ýagar. Şenbede howa​ +31, ýekşenbede bolsa​ +33 derejä çenli gyzar.

Balkan welaýatynda öňümizdäki hepde howanyň, geçen hepdäniňki bilen deňeşdirilende, bir dereje aşaklap, +32 dereje bolmagyna garaşylýar. Howa maglumaty gullugy duşenbe güni howa +30 dereje bolup, tizligi sekuntda 15 metre ýetýän güýçli şemal bolar diýip çaklaýar. Sişenbe güni howanyň +33, çarşenbe güni bolsa​ +37 derejä çenli gyzmagy mümkin.​ ​ ​

Penşenbede aňrybaş temperatura​ +31 derejä çenli peseler. Anna güni howa +30 dereje bolar. Şenbe güni termometriň sütünjigi​ +31 derejä, ýekşenbe güni bolsa​ +33 derejä çenli ýokary galar.

Daşoguz welaýatynda ortaça temperaturanyň dört dereje aşaklap, +28 dereje bolmagyna garaşylýar. Duşenbe güni temperaturanyň +24, sişenbe güni bolsa​ +27 dereje bolmagy mümkin.

Çarşenbe güni howa +30, penşenbe güni bolsa​ +33 derejä çenli gyzar diýip garaşylýar. Anna güni temperatura​ +29 dereje töweregi bolar we hepdäniň ahyryna çenli termometriň sütünjigi şol derejede saklanar.

Mary welaýatynda öňümizdäki hepde howanyň ortaça temperaturasy, geçen hepde bilen deňeşdirilende, bäş dereje peselip,​ +32 derejäni görkezer. Duşenbede howanyň +27, sişenbede​ +30 dereje bolmagyna garaşylýar.

Çarşenbe güni howa​ +34 derejä çenli gyzar, penşenbe güni bolsa termometriň sütünjigi eýýäm +37 derejä ýeter. Anna gününden başlap, hepdäniň ahyryna çenli temperatura​ +32 derejede saklanar.​

Lebap welaýatynda öňümizdäki hepde ortaça temperatura, geçen hepde bilen deňeşdirilende, alty dereje peselip,​ +31 dereje bolar. Duşenbe güni temperaturanyň​ +26 dereje bolmagyna garaşylýar. Sişenbede howa​ +30 derejä çenli gyzar.

Çarşenbe güni termometriň sütünjigi​ +33, penşenbe güni bolsa​ +35​ derejäni görkezer. Anna güni​ bulutly howa bolup, temperaturanyň +34 dereje bolmagyna garaşylýar. Dynç günleri termometriň sütünjigi​ +31 derejä çenli aşaklar.


30.05.2025 13:16
9.3k+

“Bir Supra” çörek önümleri dükany Gurban baýramy mynasybetli arzanlaşyk yglan etdi

Aşgabatda «Bir Supra» ady bilen hereket edýän çörek we çörek önümleri dükanlary Gurban baýramy mynasybetli däp bolan arzanlaşyk aksiýasyny yglan etdi. Her ýyl geçirilmegi däbe öwrülen arzanlaşyklar bu ýyl iýun aýynyň 1-inden 30-y aralygynda hereket eder...

27.05.2025 19:55
7.5k+

Bambuk gülüniň saglyga peýdasy we ideg edilişi

Bambuk (köplenç "lucky bamboo" diýlip atlandyrylýar, botanik atlary Dracaena sanderiana ýa-da Dracaena braunii) güli diňe bir gözellik bermek bilen çäklenmän, eýsem, ýaşaýyş gurşawymyza we ynsan saglygyna oňyn täsir edýän aýratynlyklara hem eýedir...

23.05.2025 17:02
4.3k+

“Kitap” bilim merkezinde tomusky okuwlara 50%-den 100%-e çenli arzanlaşyk bilen ýazylyp bolýar

“Kitap” bilim merkezinde täze okuw möwsümi üçin ýazylyşyk başlady! Okuwlar 10-njy iýunda başlanýar. Bilim merkezinde şu ugurlar boýunça okuwlar hödürlenýär: DIL okuwlary: Iňlis dili Rus dili Nemes dili Fransuz dili Hytaý dili TOEFL/IELTS (Halkara synaglaryna taýýarlyk) PROGRAMMIRLEME: Flutter GUI/GUI Kit Cisco Packet Tracer C++/C# Python Go (Golang) JavaScript (Front-End Back-End, Node...

30.04.2025 15:39
10k+

“Bagt şäher” jaý satyn almak-satmakdan başlap, abatlaýyş işleri boýunça hyzmatlary hödürleýär

"Bagt şäher" gozgalmaýan emläk agentligi diňe bir jaý satyn almaga ýa-da satmaga däl, eýsem müşderiniň islegine görä jaý tapmakdan başlap, dizaýn we abatlaýyṣ işleri boýunça hyzmatlary hem hödürleýär. Jaý satyn almak, satmak, kärendesine bermek işleri hemişe wagty hem ýörite tagallalary talap edýär...