Ýaponiýanyň NHK Spring kompaniýasy awtoulag kürsüleriniň täze nesliniň döredilendigini habar berdi diýip, Nikkei agentligi habar berýär. Olaryň esasy aýratynlygy ýolagçylary çaýkanmadan halas edýär. Basym awtopilot ulgamly awtoulaglar köpçülikleýin öndürilip başlansa, çaýkanmak meselesi ör boýuna galsa gerek. Şonda ulagdakylaryň ählisi ýolagçy bolar: düzgün boýunça destiň başynda oturan sürüjä çaýkanma kän täsir etmeýär.
NHK Spriň-iň wekilleriniň sözlerine görä, täze kürsiniň kellegoýary bolar, ol ýeňsäniň süňküni iki gapdaldan tutmak bilen, ulag tizligini artdyran/haýalladan ýa-da öwrülen ýagdaýynda kelläni durnukly ýagdaýda saklar.
NHK Spring-iň inženerleri kelläniň hereketi kemelse, aşgazanyň ynjalyksyzlygy, ýürek bulanma we pallamak, awtoulaglaryň adaty kürsüsindäki bilen deňeşdirilende, üç esse azalýar diýip ynandyrýarlar.
Mundan hem başga, täze oturgyçlar, beýleki awtokürsilerden 40% ýuka bolar, ýöne amortizasiýada we oňaýlylykda şol öňki derejesini saklar diýip, kompaniýada gürrüň berýärler.
