iSeeCars portalynyň analitikleri 174 müňden gowrak awtoulagyň ýol geçiş aralygy baradaky açyk maglumatlary öwrenip, maşynlarynyň 250 müň mile (takmynan 400 müň km) çenli aralygy geçip bilmek ähtimallygy iň ýokary bolan öndürijileri kesgitlediler. Toyota, Lexus, Honda we Acura ýaly ýapon markalary sanawyň başyny çekdi.
Analitikler belli bir brende degişli awtoulagyň görkezilen aralygy geçmek ähtimallygyny göterim görnüşinde hasapladylar. ABŞ-nyň bazary üçin bu görkeziji ortaça 4,8%-e deňdir. Diňe dört brend bu derejeden ýokary galmagy başardy:
- «Toyota» – 17,8%
- «Lexus» – 12,8%
- «Honda» – 10,8%
- «Acura» – 7,2%
Bäşligiň soňunda 4,6% netije bilen «GMC» amerikan brendi ýerleşdi. Şeýle hem «Tesla» elektrik awtoulaglarynyň hem edil şonça (4,6%) ähtimallygy görkezendigini bellemek gerek.
Reýtingiň anti-liderleri
- «Jaguar», «MINI» we «Maserati» awtoulaglarynda 250 müň mil geçmek ähtimallygy 0% diýlip kesgitlendi.
- «Land Rover-de» bu ähtimallyk 0,1% bolup hasaba alyndy.
- «Audi», «BMW», «Porsche», «Hyundai» we «Kia» ýaly ýene sekiz brend 1%-den az netije görkezdi.
Premium segmenti üçin aýratyn reýtingde «Lexus», «Acura», «Tesla», «Cadillac» we «Lincoln» liderlik etdi. Bu ýerde 400 müň km ýol geçmek mümkinçiligi umumy bazar bilen deňeşdirilende has pes — bary-ýogy 3,2%.
iSeeCars-yň wekili Karl Brauer munuň sebäbini premium maşynlaryň az ulanylýandygy bilen düşündirdi:
«Bu ýagdaýda görkeziji awtoulaglaryň ýygjamlygyny däl-de, olary ulanmaga çemeleşmäni görkezýär» diýip, ol belledi.
