Russiýa Federasiýasynyň “Wozroždeniýe” önümçilik birleşigi” paýdarlar jemgyýetiniň serişdeleriniň hasabyna Aşgabat şäherindäki Magtymguly Pyragynyň täze ýadygärliginiň durky döwrebap täzelener we ýanaşyk ýerleri abadanlaşdyrylar.
Aşgabat şäheriniň häkimligine degişli şertnamany agzalan paýdarlar jemgyýeti bilen tölegsiz esasda baglaşmaga ygtyýar bermek hakynda Karara 2-nji sentýabrda geçirilen Hökümet mejlisinde Prezident Serdar Berdimuhamedow gol çekdi. Resminama laýyklykda, gurluşyk işlerine 2022-nji ýylyň sentýabr aýynda başlamak we ony 2024-nji ýylyň maý aýynda doly tamamlamak bellenildi.
