Apple amerikan kompaniýasy önümçiligi Hytaýyň çäginden daşary diwersifikasiýalaşdyrmak üçin Wýetnam bilen Apple Watch sagatlaryny we MacBook noutbuklaryny çykarmak barada gepleşikleri geçirýär. Bu barada “Nikkei” gazeti habar berdi diýip, TASS belleýär.
Onuň çeşmeleriniň maglumatlaryna görä, Apple-iň üpjün edijileri Wýetnamyň demirgazygynda synag režiminde Apple Watch-y öndürip başladylar. Şeýle-de, kompaniýa üpjün edijilerden MacBook üçin hem synag önümçilik liniýasyny ýola goýmagy sorady, ýöne pandemiýa we noutbuk komponentleriniň uzyn üpjünçilik zynjyry sebäpli köpçülikleýin önümçiligi geçirmek prosesi haýal boldy.
Wýetnam eýýäm Apple-iň Hytaýdan daşary iň uly önümçilik merkezi hasaplanýar. Wýetnamdaky zawodlar iPad planşetlerini we AirPods nauşniklerini öndürýär.
Apple we onuň üpjün edijileri gazetiň teswir baradaky ýüzlenmesine jogap bermediler.
