Hytaýyň dürli hili durmuş maksatly tehnikalary we gajetleri öndürmek bilen meşhur bolan Xiaomi kompaniýasy awtoulag dünýäsinde öňdebaryjylaryň hataryna goşulmak isleýär. Kompaniýany esaslandyryjy Leý Szýunyň sözlerine görä, esaslandyrylanyna bary-ýogy 500 gün bolan Xiaomi Auto bölümçesi haýran galdyryjy netijeleri görkezýär. Häzir bolsa kompaniýa ünsüni sürüjisiz dolandyrylýan tehnologiýalary öndürmeklige gönükdirýär, geljek şonuň bilen bagly diýip, Leý Sýun ynandyrýar.
"Xiaomi Auto öz bäsdeşlerinden yza galýan bolmagy mümkin, ýöne döredilenine 500 gün bolan pekinli ulag öndürijiniň ýeten sepgitleri örän gowy we garaşylyşyndan has ýokary" - diýip, Yicai agentligi Leý Szýunyň sözlerini getirýär.
Xiaomi Auto eýýäm awtopilot ulgamly awtoulaglary synag etmäge girişdi. Tapgyrlaýyn öndürilmäge taýýar ulagy bolsa hytaýlylar eýýäm 2024-nji ýylda köpçülige görkezerler.
Sürüjisiz tehnologiýaly elektromobilleriň ösüşine uly tagalla baryny siňdirýän Nio, Xpeng Motors we Li Auto kompaniýalary Xiaomi Auto-ny öz esasy bäsdeşi hasaplaýarlar.
