Muny Özbegistanyň oba hojalyk ministriniň orunbasary Gahryman Ýuldaşewiň ýolbaşçylygyndaky özbek wekiliýetiniň golaýda Türkmenistana amala aşyran saparynyň dowamynda geçirilen gepleşikler hem tassyklaýar.
Goňşy ýurduň wekilleri Türkmenistanyň oba hojalyk we daşky gurşawy goramak ministriniň, Suw hojalygy baradaky döwlet komitetiniň başlygyň orunbasarlary, şeýle-de oba hojalyk ugurly beýleki düzümleriň ýolbaşçylary bilen duşuşyklary geçirdiler. Gepleşikleriň dowamynda pagtaçylygy, tohumçylygy, bagçylygy, ýyladyşhana hojalyklaryny, ylmy we sanlylaşdyrmagy ösdürmek meseleleri ara alnyp maslahatlaşyldy. Hususan-da, pagtanyň ýokary hasyl berýän, tiz ýetişýän we şora durnukly orta hem-de inçe süýümli sortlaryny synag etmek boýunça bilelikdäki maksatnamany işläp taýýarlamak, gök ekinleriň we şalynyň tohumlaryny alyşmak işini ýola goýmak, oba hojalygy bilen iş salyşýan hünärmenleri taýýarlamakda we olaryň hünär derejesini ýokarlandyrmakda tejribe alyşmak meseleleri ara alnyp maslahatlaşyldy.
Özbek wekiliýetiniň agzalary Ahal welaýatynyň üzümçilik, bagçylyk, ýyladyşhana hojalygy, azyk we süýt önümlerini gaýtadan işlemek, maldarçylyk pudaklarynda iş alyp barýan kärhanalary bilen tanyşdylar.
