Serdar Berdimuhamedow Özbegistanyň Senatynyň Başlygy bilen duşuşdy

  • 15.07.2022 15:58
  • 5.6k+
Serdar Berdimuhamedow Özbegistanyň Senatynyň Başlygy bilen duşuşdy

Şu gün — 15-nji iýulda Özbegistan Respublikasynda döwlet saparynda bolýan Prezident Serdar Berdimuhamedow dostlukly ýurduň Oliý Majlisiniň Senatynyň Başlygy Tanzila Narbaýewa bilen duşuşdy. Duşuşygyň dowamynda türkmen-özbek parlamentara gatnaşyklaryny ösdürmegiň mümkinçilikleri ara alnyp maslahatlaşyldy. Bu barada "Türkmenistan" gazetiniň elektron neşirinde habar berilýär.

Serdar Berdimuhamedow nobatdaky duşuşygyň ikitaraplaýyn parlamentara gatnaşyklary berkitmegiň geljegi barada pikir alyşmaga oňat mümkinçilikdigini belläp, kanun çykaryjylyk ulgamynda tejribeleri paýlaşmagyň, halkara giňişlikde hyzmatdaşlyk etmegiň ugurlaryny kesgitlemegiň möhümdigine aýratyn ünsi çekdi. Nygtalyşy ýaly, Türkmenistanyň we Özbegistanyň kanun çykaryjy edaralarynyň arasyndaky ýygjam, başlangyçly özara hereketler iki ýurduň köpugurly hyzmatdaşlygynyň ösüşiniň möhüm bölegi bolup durýar. Şunda soňky ýyllarda döwletleriň parlamentleriniň palatalarynyň bilelikdäki tagallalary netijesinde durnukly parlamentara dialogyň ýola goýlandygy, hünärmenler derejesinde aragatnaşygyň mehanizmleriniň herekete getirilendigi, yzygiderli esasda wekiliýetleriň alyşmalarynyň guralýandygy aýratyn bellenildi.
Türkmen-özbek parlamentara gatnaşyklarynyň Merkezi Aziýada parahatçylygy we durnuklylygy berkitmäge mynasyp goşant goşýandygyna kanagatlanma bildirip, Prezident Serdar Berdimuhamedow iki ýurduň wekilleriniň parlament meýdançalarynda medeni-ynsanperwer, jemgyýetçilik gatnaşyklaryny ösdürmek, zenanlardyr ýaşlaryň arasynda özara hereketleri ýola goýmak babatda bilelikdäki başlangyçlar bilen çykyş edip biljekdiklerine ynam bildirdi.
Özbegistan Respublikasynyň Oliý Majlisiniň Senatynyň Başlygy bilen duşuşykdan soňra, döwlet Baştutany Daşkendiň Yslam Karimow adyndaky Halkara howa menzilinden Samarkant şäherine ugrady. Bu ýerde belent mertebeli türkmen myhmany şäheriň taryhy-medeni ýadygärlikler toplumyna baryp görer.


düýn 09:50
1.4k+

Türkmenistan we Täjigistan söwda-ykdysady hem-de maýa goýum hyzmatdaşlygyny maslahatlaşýar

20-nji noýabrda Duşenbe şäherinde Türkmenistan bilen Täjigistan Respublikasynyň daşary syýasat edaralarynyň arasynda syýasy geňeşmeler geçirildi. Bu barada Türkmenistanyň DIM-niň metbugat gullugy habar berýär....

düýn 09:40
978

Aşgabatda BMG-niň Baş sekretarynyň Ýörite wekili bilen duşuşyk geçirildi

Türkmenistanyň daşary işler ministriniň orunbasary Mähri Bäşimowa BMG-niň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze bilen...

düýn 00:17
2.4k+

Moskwada Ispaniýanyň Türkmenistanda täze bellenen ilçisi bilen duşuşyk geçirildi

Türkmenistanyň Russiýa Federasiýasyndaky ilçisi Esen Aýdogdyýew Ispaniýa Patyşalygynyň Türkmenistanda täze bellenilen ilçisi Rikardo Martines Waskes bilen duşuşdy. Bu barada RF-däki türkmen ilçihanasynyň resmi...

19.11.2024 13:02
2.1k+

Bosniýa we Gersegowinanyň Türkmenistandaky ilçisi Mejlisiň Başlygyna ynanç hatyny gowşurdy

18-nji noýabrda Prezident Serdar Berdimuhamedowyň tabşyrygy boýunça Mejlisiň Başlygy D.Gulmanowa Bosniýa we Gersegowinanyň Türkmenistandaky Adatdan daşary we Doly ygtyýarly ilçisi jenap Niýaz Çardakliýadan ynanç...