Serdar Berdimuhamedow “Sanly çözgüt — 2022” innowasion taslamalaryň bäsleşigini geçirmäge ygtyýar berdi

  • 14.07.2022 12:27
  • 17k+

13-nji iýulda geçirilen Hökümet mejlisinde Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew “Sanly çözgüt — 2022” atly innowasion taslamalaryň bäsleşigini geçirmäge görülýän taýýarlyk işleri barada hem hasabat berdi.

Nygtalyşy ýaly, sanly ykdysadyýeti ösdürmek boýunça Konsepsiýada, 2021 — 2025-nji ýyllarda sanly ykdysadyýeti ösdürmek boýunça Döwlet maksatnamasynda kesgitlenen wezipeleri ýerine ýetirmek, täzeçil programma üpjünçiligini taýýarlamak we olary ornaşdyrmak hem-de beýleki degişli ugurlar bilen meşgullanýan ýaşlary höweslendirmek maksady bilen, “Sanly çözgüt — 2022” bäsleşiginiň nobatdaky tapgyryny geçirmek meýilleşdirilýär. Ony saglygy goraýyş, ylym we bilim, ulag-logistika, elektron senagat, oba hojalygy, hyzmatlar ulgamy ugurlarynda geçirmek göz öňünde tutulýar.
Döwlet Baştutany dünýäniň öňdebaryjy tejribesiniň öwrenilmegine ünsi çekip, “Sanly çözgüt — 2022” innowasion taslamalar bäsleşigini geçirmek baradaky teklibi makullady hem-de onuň ýaşlaryň zehinini we ukybyny ýüze çykarmakda aýratyn ähmiýetli boljakdygyny belläp, bu babatda agentligiň ýolbaşçysyna anyk tabşyryklary berdi.


13.09.2025 15:48
3.6k+

Figure 02 gumanoid roboty gap-gaç ýuwmagy öwrendi

Kaliforniýanyň Figure startapy uniwersal Helix AI emeli aň modeli täzeledi, munuň netijesinde Figure 02 gumanoid roboty täze başarnygy - gap-gaç ýuwýan maşyna gap-gaçlary seresaplylyk bilen ýerleşdirmegi öwrendi...

13.09.2025 15:43
4.7k+

Gurluşyk çyzgylaryny göni betona geçirýän robot döredildi

Amerikanyň Dusty Robotics kompaniýasy sanly gurluşyk çyzgylaryny göni beton plitalara geçirýän FieldPrinter robotyny hödürledi. Tehnologiýa bellikleri has çalt we has takyk ýerine ýetirmäge mümkinçilik berýär, bu köp wagty talap edýän el bilen işlemek zerurlygyny aradan aýyrýar...

05.09.2025 16:58
5.1k+

Hytaýda bedeniň ýylylygyndan elektrik energiýasyny öndürýän rezin döredildi

Pekin uniwersitetiniň barlagçylary adam bedeniniň ýylylygyny elektrik energiýasyna öwürýän rezin materialy işläp taýýarladylar diýip, South China Morning Post habar berýär. Täze tehnologiýa termoelektrik ýörelgelerine esaslanýar: bedeniň (37° C töweregi) we daşky gurşawyň (20–30 ° C) arasyndaky temperatura tapawudy elektrik energiýasyny öndürmäge mümkinçilik berýär...

26.08.2025 21:23
2.4k+

Boston Dynamics kompaniýasy Atlas robotyna çylşyrymly başarnyklary özleşdirmegi öwretdi

Boston Dynamics kompaniýasy Atlas modeliniň mysalynda adam şekilli robotlaryň ösüşiniň täze derejesini hödürledi. Indi robot diňe bir hereket etmäge ukyply bolman, eýsem Toyota Research Institute (TRI) bilen bilelikde döredilen uly özüni alyp baryş modelleriniň (LBMs) dolandyrmagynda dowamly we çylşyrymly başarnyklary ýerine ýetirip bilýär...