2024-nji ýylda Aurus Merlon elektromotosikliniň tapgyrlaýyn önümçiligine başlanar. Bu barada Russiýa Federasiýasynyň Senagat we söwda ministrliginiň ýolbaşçysy Denis Manturow "Innoprom" halkara senagat sergisinde resmi däl gürrüňdeşlikde žurnalistlere habar berdi.
Ýolbaşçy degişli soraga: «2024-nji ýylda» — diýip jogap berdi.
Ministriň sözlerinden çen tutsaň, ol eýýäm elektromotosiklde aýlanyp görüpdir we täze ulaga oňyn baha berýär.
Ministrligiň resmi Telegram-kanalynda motosikliň adynyň tötänden saýlanmandygy bellenýär. «Merlon - bu Kremliň diwarynyň kertigi, motosikl bolsa resmi wekiliýetleri ugratmak üçin döredilýär" - diýip, ol ýerde aýdylýar.
Aurusyň modelleri Moskwa Kremliniň Senat, Komendant we Arsenal diňleriniň hormatyna atlandyrylandyr: limuzin bilen sedan Senat adyny aldylar, wnedorožnige - Komendant, miniwene bolsa Arsenal ady dakyldy.
Öň, TmCars.info Türkmenistanyň ilkinji Aurus Senat Limousine ulagyny satyn alandygyny habar beripdi.
