Raşid Meredow we ABŞ-nyň ilçisi Metýu Klimow birnäçe taslamalary maslahatlaşdylar

  • 06.07.2022 07:46
  • 10k+

Türkmenistanyň Daşary işler ministri R.Meredow Amerikanyň Birleşen Ştatlarynyň Türkmenistandaky Ilçisi Metýu Stiwen Klimow 5-nji iýulda geçiren duşuşygynda häzirki zaman halkara we sebit ähmiýetli birnäçe mowzuklar boýunça  pikir alyşdy.

Türkmenistanyň daşary syýasat edarasynyň saýtynyň habar bermegine görä, duşuşygyň dowamynda söhbetdeşler aýratyn hem howpsuzlyk bilen baglanyşykly birnäçe taslamalara seretdiler. Türkmenistanyň Daşary işler ministri bilen ABŞ-nyň Ilçisi iki döwletiň arasyndaky syýasy geňeşmeler işiniň netijeliligini mälim edip, bu ugruň ösdürilmegine taýýardygyny bellediler.
Duşuşygyň dowamynda ähli ugurlar boýunça özara bähbitli hyzmatdaşlygyň mümkinçilikleri kesgitlenilip, şol sanda türkmen-amerikan söwda-ykdysady hyzmatdaşlygyny ösdürmek bilen bagly meseleler ara alnyp maslahatlaşyldy.
Ikitaraplaýyn hyzmatdaşlygyň medeni-ynsanperwer ugurlaryna aýratyn üns berildi. Türkmenistanyň Daşary işler ministri medeni mirasy gorap saklamak boýunça ABŞ-nyň Ilçiniň Gaznasyna Türkmenistanyň täsin taryhy mirasyny gorap saklamak boýunça  goşan goşandyna we onuň alyp barýan işine ýokary baha berdi.
Söhbetdeşligiň dowamynda ikitaraplaýyn bilim ulgamy boýunça maksatnamany durmuşa geçirmegiň ugurlaryna giňişleýin seredildi. 


düýn 18:32
2.2k+

ABŞ-nyň kazyýeti OpenAI-y hatda pozulan çatlary hem saklap galmaga borçlandyrdy. Bu ulanyjylarda howsala döredýär

Nýu-Ýorkyň Günorta okrugynyň Okrug kazyýeti OpenAI kompaniýasyny ChatGPT ulanyjylarynyň ähli gepleşiklerini, şol sanda öçürilen we anonim söhbetleri hem saklamaga borçlandyrdy. Bu karara garşy arz etmek synanyşyklary ret edildi diýip, Ars Technica neşiri habar berýär...

düýn 12:10
5.5k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

düýn 12:05
3.5k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...

düýn 11:58
4.1k+

Türkmenistanyň we RF-niň Daşary işler ministrlikleri 2025-2026-njy ýyllar üçin hyzmatdaşlyk Maksatnamasyna gol çekdiler

25-nji iýunda Türkmenistanyň Daşary işler ministrliginde Russiýa Federasiýasynyň daşary işler ministri Sergeý Lawrowyň ýolbaşçylygyndaky wekiliýet bilen duşuşyk geçirildi. Gepleşikleriň gün tertibine döwletara gatnaşyklary mundan beýläk-de ösdürmegiň möhüm meseleleri girizildi...