RF-niň Prezidenti Wladimir Putin 29-njy iýunda Aşgabatda Hazar sammitine gatnaşmagynyň çäklerinde Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşar we ony ýubileýi bilen gutlar. Galyberse-de, RF-niň Baştutany Türkmenistanyň, Azerbaýjanyň we Eýranyň Prezidentleri bilen ikitaraplaýyn duşuşyklary geçirer diýip, RF-niň Prezidentiniň kömekçisi Ýuriý Uşakow habar berdi. Muny RIA Nowosti ýetirýär.
Uşakow 29-njy iýunda Hazar sammitiniň geçiriljek gününde Türkmenistanyň öňki Prezidenti Gurbanguly Berdimuhamedowyň 65 ýaş ýubileýiniň belleniljekdigini ýatlap geçdi.
«Putin Türkmenistanyň Parlamentiniň ýokarky palatasynyň spikeri bilen ýörite duşuşyk geçirer we ony gutlar» - diýip Uşakow belledi.
