Türkmenistanda hepdelik howa maglumaty (20.06 — 26.06)

  • 19.06.2022 17:28
  • 26k+

Öňümizdäki hepde Türkmenistanda temperatura ortaça +35 derejeden ýokary bolar, käbir günlerde bolsa howanyň +44 derejä çenli yssy bolmagyna garaşylýar diýip, howa maglumaty gullugy habar berýär.

Aşgabatda we Ahal welaýatynda duşenbe we sişenbe günleri howanyň aňrybaş temperaturasy +35 derejede saklanar. Çarşenbe güni termometriň sütünjigi +37 derejä  galar. Penşenbede howanyň +44 derejä çenli gyzmagy mümkin. Howa maglumaty gullugy anna güni +36 dereje, şenbe güni bolsa +38 dereje yssy bolar diýip çaklaýar. Ýekşenbe güni howa +41 derejä çenli gyzar.

Balkan welaýatynda howanyň gyzgynlygy duşenbe güni +36 derejä çenli, sişenbe güni bolsa +37 dereje bolar diýip garaşylýar. Çarşenbe we penşenbe günleri özi bilen +40 dereje gyzgynlygy getirer we şemal güýçlenip, tizligi sekuntda 17 metre ýeter. Anna güni gyzgynlyk az-kem düşüşip, termometriň sütünjigi +35 derejäni görkezer. Şenbe güni +40 derejä, ýekşenbe güni bolsa +43 derejä çenli yssy bolar diýip, howa maglumaty gullugy çaklaýar.  

Daşoguz welaýatynda duşenbe güni howanyň +33 dereje bolmagyna, sişenbe güni termometriň sütünjiginiň +34 derejä, çarşenbe güni bolsa +37 derejä çenli galmagyna garaşylýar. Penşenbede howanyň yssylygy +40 derejä ýeter. Howa maglumaty gullugy anna güni aňrybaş temperatura +38 derejä çenli düşüşer diýip çaklaýar. Şenbe güni howanyň +39 dereje, ýekşenbe güni bolsa +42 dereje bolmagyna garaşylýar. 

Mary welaýatynda duşenbe güni howa +35 dereje, sişenbede bolsa +33 dereje bolar diýip garaşylýar. Çarşenbe güni howanyň gyzgynlygy ýokarlanyp, +37 derejä ýeter. Howa maglumaty gullugy penşenbe güni  yssy +44 derejä ýeter diýip çaklaýar. Anna gününden ýekşenbä çenli temperatura +42 - +43 dereje aralygynda bolar. Şeýle-de, anna güni tizligi sekuntda 15 metre ýetýän şemalyň öwüsmegi mümkin. 

Lebap welaýatynda duşenbe güni temperatura +33 dereje bolup, az-kem ýagşyň ýagmagyna garaşylýar. Sişenbe we çarşenbe günleri özi bilen +34 - +45 dereje aralygyndaky temperaturany getirer. Penşenbe güni howanyň yssylygy artyp, +39 derejä çenli gyzar. Anna güni termometriň sütünjigi +42 derejä çenli galar. Dynç günlerinde +43 dereje yssy bolmagyna garaşylýar. 


23.06.2025 08:47
11k+

Türkmenistanda hepdelik howa maglumaty (23.06 - 29.06)

Türkmenistanyň Daşky gurşawy goramak ministrliginiň Gidrometeorologiýa gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az-kem bulutly, hepdäniň ortasynda üýtgäp durýan bulutly howa bolup, demirgazyk-günbatardan günorta-gündogara ugruny üýtgedýän, tizligi sekuntda 10 — 13 metrden 14 — 16 metre ýetýän şemal öwser...

30.05.2025 13:16
10k+

“Bir Supra” çörek önümleri dükany Gurban baýramy mynasybetli arzanlaşyk yglan etdi

Aşgabatda «Bir Supra» ady bilen hereket edýän çörek we çörek önümleri dükanlary Gurban baýramy mynasybetli däp bolan arzanlaşyk aksiýasyny yglan etdi. Her ýyl geçirilmegi däbe öwrülen arzanlaşyklar bu ýyl iýun aýynyň 1-inden 30-y aralygynda hereket eder...

27.05.2025 19:55
8.5k+

Bambuk gülüniň saglyga peýdasy we ideg edilişi

Bambuk (köplenç "lucky bamboo" diýlip atlandyrylýar, botanik atlary Dracaena sanderiana ýa-da Dracaena braunii) güli diňe bir gözellik bermek bilen çäklenmän, eýsem, ýaşaýyş gurşawymyza we ynsan saglygyna oňyn täsir edýän aýratynlyklara hem eýedir...

23.05.2025 17:02
4.9k+

“Kitap” bilim merkezinde tomusky okuwlara 50%-den 100%-e çenli arzanlaşyk bilen ýazylyp bolýar

“Kitap” bilim merkezinde täze okuw möwsümi üçin ýazylyşyk başlady! Okuwlar 10-njy iýunda başlanýar. Bilim merkezinde şu ugurlar boýunça okuwlar hödürlenýär: DIL okuwlary: Iňlis dili Rus dili Nemes dili Fransuz dili Hytaý dili TOEFL/IELTS (Halkara synaglaryna taýýarlyk) PROGRAMMIRLEME: Flutter GUI/GUI Kit Cisco Packet Tracer C++/C# Python Go (Golang) JavaScript (Front-End Back-End, Node...