Ýewropanyň mejlisi Ýewropada benzin we dizel ýangyjy bilen işleýän içinden ýandyrylýan hereketlendirijili (IÝH) täze ulaglary satmagy gadagan etmek baradaky teklibi goldady. IÝH-yň ýatyryljak senesi hem aýdyldy. Şol bir wagtda ulanyşdaky ulaglary sürmäge rugsat berler. Bu rezolýusiýanyň kabul edilmegini goldap 339 deputat ses berdi, 249 sanysy garşy çykdy, 24-si ses bermekden saklandy.
Ýewropanyň mejlisiniň bu karary maslahat beriji häsiýete eýe bolup, hakykatda ol hökmany hasaplanmaýar. Emma şunuň ýaly rezolýusiýalar Ýewropa ýurtlarynyň aglabasynyň häkimiýetleriniň golaý 10-15 ýylyň içinde benzin we dizel ýangyjy bilen işleýän awtoulaglardan ýüz öwürmäge hyýallanýandyklaryny aňladýar. Sebäbi Ýewropada häzir CO2 galyndylarynyň umumy möçberiniň takmynan 15%-i ýeňil ulaglara we ýeňil söwda ulaglaryna degişlidir.
Köp sanly iri ulag öndürijiler Ýewropa bileleşiginiň häkimiýetleriniň elektroulaglara geçmegi tizleşdirmek bilen bagly isleglerini dürli tarapdan goldaýarlar. Mysal üçin, Ford-yň we Volvo-nyň wekilleri bu çözgüdi eýýäm köpçüligiň öňünde goldadylar, Volkswagen AG-da bolsa 2030-2035-nji ýyllarda adaty IOH-ly awtoulaglary goýbermegi doly bes etmek meýliniň bardygyny birnäçe gezek mälim etdi.
