Toyota kompaniýasy Ýewropada Hilux pikapynyň dokuzynjy neslini görkezdi. Bu model öňki rama gurluşyny we ýolsuz ýerlerde hereket etmek mmükinçiliklerini saklap galdy, ýöne doly täzelenen dizaýna, sanly interýere we güýç gurluşynyň birnäçe görnüşlerine, şol sanda gibrid hem-de doly elektrikli görnüşlerine eýe boldy.
Täze ulag diňe doly ýörediji bilen dört gapyly Double Cab görnüşinde hödürlener. Ulagyň daşky görnüşi Tough x Agile konseptinde ýerine ýetirildi: pikap inçe LED çyralaryny, TOYOTA ýazgysy bolan täze radiator gözenegini, giňeldilen tigir arkalaryny we ýük platformasyna elýeterliligi aňsatlaşdyrýan döwrebaplaşdyrylan elementleri aldy.
Ulagyň salony Land Cruiser modeliniň stilinde taýýarlandy. Awtomobil 12,3 dýuymlyk wirtual enjam paneli we 12,3 dýuýma çenli ekrany bolan Toyota Smart Connect multimedia ulgamy bilen enjamlaşdyryldy. Şeýle hem simsiz Apple CarPlay we Android Auto ulgamlary goldanylýar.
Hereketlendirijileriň hataryna 204 at güýjüne deň bolan Hybrid 48V dizel gibridi, garyşyk siklde 257 km çenli we şäher içinde 380 km çenli ýol geçýän doly elektrikli BEV görnüşi, şeýle-de aýratyn bazarlar üçin adaty benzin we dizel modifikasiýalary girizildi. Wodorod bilen işleýän FCEV görnüşine bolsa 2028-nji ýylda garaşylýar.
Gibrid görnüşiniň ýük göterijiligi 1000 kg-den geçýär, tirkegi çekmegiň iň ýokary agramy bolsa 3500 kg ýetýär.
