Yssydan soň, Türkmenistanda temperaturanyň aşaklap, ýagşyň ýagmagyna garaşylýar

  • 29.04.2022 14:44
  • 26489
Yssydan soň, Türkmenistanda temperaturanyň aşaklap, ýagşyň ýagmagyna garaşylýar

Anna we şenbe günleri boljak yssydan soň, Aşgabatda we Ahal welaýatynda temperaturanyň birden aşaklamagyna we ýagşyň ýagmagyna garaşylýar diýip, howa maglumaty gullugy habar berýär.

Eger şenbe güni termometriň sütünjigi +34-i görkezse, eýýäm ýekşenbe güni gündizine temperaturanyň aňrybaş derejesi +22-ä çenli peseler diýip garaşylýar we 2,1 mm-e çenli ygalyň düşmegi mümkin. Hepdäniň başyndaky günlerde hem  ýagşyň ýagmak ähtimallygy ýokarydyr we temperaturanyň +22 - +25 dereje bolmagyna garaşylýar. 

Balkan welaýatynda şenbe güni 5,6 mm-e çenli ygalyň düşmegi mümkin, gündizine temperaturanyň aňrybaş görkezijisi +27-ä çenli aşaklar. Ýekşenbe güni hem az-kem ýagynly bolar diýip çaklanylýar, şol gün termometriň sütünjiginiň görkezijisi bolsa +25 derejeden ýokary bolmaz. 

Şenbe güni Daşoguz welaýatynda howa bulutly bolar, ýöne ýagyn ýagmaz we temperaturanyň derejesi peselmez diýip çaklanylýar. Ýekşenbe güni tizligi sekuntda 15 metre ýetýän güýçli şemal öwser diýip garaşylýar, temperatura +24 derejä çenli peseler.

Mary welaýatynda dynç günleri howa  sähelçe salkynlar. Şenbe güni howa +35 dereje bolar diýip çaklanylsa, ýekşenbe güni ol bary-ýogy +32-ä çenli peseler diýip garaşylýar. Şeýle hem hepdäniň ahyrky güni güýçli şemal bolup, onuň tizligi sekuntda +16 metre ýetmegi mümkin.

Dynç günleri yssy howa Lebap welaýatynyň çäginde hem saklanar. Şenbe güni temperatura  +35 derejä çenli ýokarlanar, ýekşenbe güni +36 dereje bolar diýip, howa maglumaty gullugy habar berýär. Şeýle-de, şemal güýjäp, tizligi sekuntda 17 metre ýeter diýip garaşylýar. 


14.11.2022 20:46
40099

Türkmenistanda içerki gatnawlaryň täzelenen tertibi neşir edildi

«Türkmenistan» awiakompaniýasy resmi saýtynda içerki howa gatnawlarynyň 2022-nji ýylyň 1-nji noýabryndan hereket edýän ugurlaryny we rejesini neşir etdi. Awiakompaniýa uçuşlaryň rejesiniň üýtgäp bilýändigini belläp...

07.11.2022 12:57
22048

Türkmenistanda hepdelik howa maglumaty (07.11 — 13.11)

TmCars.info Türkmenistanyň Oba hojalyk we daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň (7-13-nji noýabr) dowamynda boljak howanyň ýagdaýy barada berýän maglumatyny...

07.10.2022 15:11
34496

Türkmenistanyň günbatarynda güýçli şemalyň öwüsmegine garaşylýar

10-njy oktýabrda Türkmenistanyň Balkan welaýatynda tizligi sekuntda 14-19 metre ýetýän güýçli şemalyň öwüsmegine garaşylýar diýip, «Meteožurnal» neşiri habar berýär. Hazar deňziniň orta böleginde tizligi sekuntda...

18.09.2022 23:59
22261

Türkmenistanda geljek hepdäniň howa maglumaty (19.09 — 25.09)

Türkmenistanda sentýabr aýy yssy bolup gelýär. Geçen hepde bilen deňeşdirilende, ýurt boýunça ortaça aňrybaş temperatura 4 dereje diýen ýaly ýokary bolup, +35 dereje bolar. Aşgabatda we Ahal welaýatynda ortaça...