26-njy aprelde Ministrler Kabinetiniň Başlygynyň orunbasary, daşary işler ministri Raşid Meredowyň BMG-niň Baş sekretarynyň orunbasary, BMG-niň Aziýa — Ýuwaş umman sebiti boýunça Ykdysady we durmuş meseleleri boýunça komissiýasynyň (UNESCAP) Ýerine ýetiriji sekretary Armida Salsiýa Alişahbana bilen sanly wideoaragatnaşyk ulgamy arkaly duşuşygy geçirildi.
Duşuşygyň barşynda türkmen tarapynyň wekili UNESCAP-nyň döredilmeginiň 75 ýyllygy mynasybetli gutlag sözlerini aýtdy hem-de komissiýa üçin taryhy ähmiýete eýe bolan şu ýylyň Türkmenistanyň BMG-niň Aziýa — Ýuwaş ummany sebit boýunça Ykdysady we durmuş meseleleri boýunça komissiýasyna agzalygynyň 30 ýyllygy bilen gabat gelýändigini nygtady. Taraplar Türkmenistanyň ulag we energetika, tebigy heläkçilikleriň töwekgelçiliginiň azaldylmagy ýaly ulgamlarda, şeýle-de SPEKA-nyň çäklerinde UNESCAP bilen hyzmatdaşlygynyň netijeliligini bellediler.
Ministr şu ýylyň maýynda Bangkok şäherinde gibrid görnüşinde geçiriljek UNESCAP-nyň 78-nji sessiýasyna, 17 — 22-nji maýda Nýu-Ýorkda geçiriljek migrasiýa meseleleri boýunça ählumumy forumyň işine işjeň gatnaşjakdygyny habar berdi.
