Ginnesiň rekordlar kitabynyň wersiýasyna görä Ýer ýüzüniň iň garry ýaşaýjysy hasaplanýan, dünýädäki iň garry aýal ýaponiýaly Kane Tanaka ömrüniň 120-nji ýylynda aradan çykdy. Bu barada NHK teleýaýlymy habar berýär.
Şu ýylyň 2-nji ýanwarynda Tanaka özüniň 119 ýaşyny belledi. Ol Fukuoka prefekturasyndaky garrylar öýünde ýaşaýardy we kowide garşy çäklendirmeler sebäpli onuň ýakynlary bilen duşuşmaga-da mümkinçiligi ýokdy.
Tanaka 1903-nji ýylyň 2-nji ýanwarynda dünýä indi. Onuň adamsy we uly ogly Ikinji jahan urşy döwründe aradan çykýar. Tanaka bütin ömrüni uruşdan öň açylan tüwi kökelerini satýan dükanda işläp geçirdi. Ol 1970-nji ýyllarda pensiýa çykandan soň birnäçe gezek ABŞ-a gitdi.
2005-nji ýyldan Tanaka Fukuokadaky garrylar öýünde ýaşap başlady. 103 ýaşynda ondan rak keseliniň çişi aýryldy, şondan soň beýleki agyr keseller ony biynjalyk edipdi.
