Ýakynda Balkan welaýatynyň Türkmenbaşy şäherinde täze gurlan 400 orunlyk köpugurly hassahananyň açylyş dabarasy bolar. Oňa ýokary derejede taýýarlyk görmek boýunça alnyp barylýan işler barada 11-nji aprelde geçirilen iş maslahatynda welaýatyň häkimi T.Atahallyýew Türkmenistanyň Prezidentine hasabat berdi.
Prezident Serdar Berdimuhamedow welaýatyň çäginde dürli maksatly desgalaryň gurluşygynyň ýokary hil derejesinde, öz wagtynda tamamlanmagynyň döwrüň möhüm talabydygyny belläp, olaryň, hususan-da, Türkmenbaşy şäherinde täze gurlan köpugurly hassahananyň açylyş dabarasynyň ýokary derejede geçirilmegini üpjün etmegi tabşyrdy.
Hazaryň kenarynda 2019-njy ýylyň martynda gurluşygyna başlanan bu köpugurly hassahanany «Ussat Inžener» hususy kärhanasy bina edýär. 7 gatly täze hassahanada dürli keselleriň öňüni almak, olary anyklamak hem-de bejermek işleri ýola goýlar.
