Tokaýew Serdar Berdimuhamedowy döwlet sapary bilen Gazagystana çagyrdy

  • 15.03.2022 23:26
  • 1.1k+
Tokaýew Serdar Berdimuhamedowy döwlet sapary bilen Gazagystana çagyrdy

Gazagystanyň Prezidenti Kasym-Žomart Tokaýew sişenbe güni Türkmenistanyň saýlanylan Prezidenti Serdar Berdimuhamedow we häzirki Prezidenti Gurbanguly Berdimuhamedow bilen telefon arkaly söhbetdeşlik geçirdi.

Gazak Lideriniň resmi saýtynda habar berlişi ýaly, Tokaýew Serdar Berdimuhamedowy Prezident saýlawlarynda gazanan ýeňşi bilen gutlady we oňa jogapkärçilikli döwlet işinde üstünlikleri arzuw etdi.
Şeýle hem Tokaýew Türkmenistanyň täze döwlet Baştutanyny Gazagystana döwlet sapary bilen gelmäge çagyrdy.
Telefon arkaly söhbetdeşligiň barşynda Tokaýew Gurbanguly Berdimuhamedowy saýlawlaryň üstünlikli geçirilmegi bilen gutlady. Gazak Lideri iki doganlyk döwletleriň arasynda dostluk, hoşnniýetli goňşuçylyk we özara bähbitli hyzmatdaşlyk gatnaşyklarynyň berkidilmeginde Gurbanguly Berddimuhamedowyň aýratyn goşandyny nygtady.
Kasym-Žomart Tokaýew Gurbanguly Berdimuhamedowyň baý syýasy we durmuş tejribesiniň geljekde hem Türkmenistanda we onuň çäginden daşarda uly zerurlykdan peýdalanjakdygyna ynam bildirdi.

Türkmenistan YHG-yň mejlisinde bitaraplygyň orny baradaky kararnamanyň taslamasyny hödürledi
düýn 17:00
3.3k+

Türkmenistan YHG-yň mejlisinde bitaraplygyň orny baradaky kararnamanyň taslamasyny hödürledi

31-nji ýanwar — 2-nji fewral aralygynda Türkmenistanyň wekiliýeti Yslam Hyzmatdaşlyk Guramasynyň (YHG) Ýokary derejeli wekilleriň maslahatynyň 52-nji mejlisine gatnaşdy. Bu çäre 2026-njy ýylyň 11-12-nji aprelinde Bagdatda geçirilmegi meýilleşdirilýän YHG-yň daşary işler ministrleriniň geňeşiniň mejlisine taýýarlyk görmegiň üçünji we iň möhüm tapgyry boldy...

Raşid Meredow Dubaýda ählumumy dolandyryş boýunça Türkmenistanyň ileri tutýan ugurlaryny açyp görkezdi
düýn 16:39
2.8k+

Raşid Meredow Dubaýda ählumumy dolandyryş boýunça Türkmenistanyň ileri tutýan ugurlaryny açyp görkezdi

Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Dubaýda (BAE) geçirilýän «Bütindünýä hökümet sammiti – 2026» forumynda çykyş edip, dünýäde dowam edýän krizis şertlerinde ählumumy dolandyryşy we halkara hyzmatdaşlygyny ösdürmek boýunça ýurduň garaýyşlaryny beýan etdi...

Türkmenistanyň DIM-niň ýolbaşçysy BAE-däki kärdeşi bilen hyzmatdaşlygy ösdürmek barada maslahatlaşdy
düýn 13:14
1.4k+

Türkmenistanyň DIM-niň ýolbaşçysy BAE-däki kärdeşi bilen hyzmatdaşlygy ösdürmek barada maslahatlaşdy

3-nji fewralda Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Dubaýa saparynyň çäklerinde Birleşen Arap Emirlikleriniň Premýer-ministriniň orunbasary, daşary işler ministri şeýh Abdulla bin Zaýed Al Nahaýýan bilen duşuşyk geçirdi...

Aşgabat we Abu-Dabi energetika dialogyny işjeňleşdirmek barada ylalaşdy
düýn 13:10
1.3k+

Aşgabat we Abu-Dabi energetika dialogyny işjeňleşdirmek barada ylalaşdy

3-nji fewralda Dubaýda Türkmenistanyň daşary işler ministri Raşid Meredowyň Birleşen Arap Emirlikleriniň senagat we öňdebaryjy tehnologiýalar ministri, Abu-Dabiniň Milli nebit kompaniýasynyň (ADNOC) baş direktory Soltan Ahmed Al-Jaber bilen duşuşygy boldy...