Rumyniýada 9-njy martdan başlap koronawirus pandemiýasy sebäpli girizilen çäklendiriş çäreleri ýurtdaky howsala ýagdaýynyň hereketleri bilen bilelikde ýatyrylýar. Bu barada Rumyniýanyň saglygy goraýyş ministri Aleksandru Rafila sişenbe güni geçirilen metbugat konferensiýasynda habar berdi.
"Çäklendirmeler aradan aýrylanda biz täze ýagdaýa gireris. Mundan buýana şahsy seresaplylyk we jogapkärçilik esasy orunda durmalydyr" diýip, Agerpres agentligi onuň sözlerini getirýär.
Şeýlelikde, çarşenbe gününden başlap Rumyniýada hökmany örtük dakynmak düzgüni ýatyrylar, dükanlara, restoranlara we döwlet edaralaryna barmakda, şeýle hem olaryň iş düzgüni babatynda bellenen çäklendirmeler aradan aýrylar.
Rumyniýa daşary ýurtdan gelnende ýaşyl sertifikata (waksinasiýa geçenligiňe ýa-da keseli geçirenligiňe şaýatlyk edýän resminama we Rumyniýanyň çägine girjek bolnanda doldurylýan, ýolançyny çäklendirýän formulýar, bu owal kesellän bilen gatnaşykda bolan daşyndan gelen adamy hökümete tiz tapmaga ýardam edýär) zerurlyk bolmaz.
