Eýranyň Paster adyndaky institutynyň müdiri Alirez Biglari Eýranyň PastoCovac sanjymyny dürli ýurtlara, şol sanda goňşy ýurtlara eksport etmegi meýilleşdirýändigini aýtdy. Bu barada IRNA salgylanyp, Trend habar berýär.
Biglari PastoCovac-yň hem ulular, hem çagalar üçin ulanylýandygyny belledi. Ol PastoCovac-yň häzirki wagtda Eýrandaky çagalaryň alýan ýeke-täk sanjymydygyny sözüniň üstüne goşdy.
Mundan öňem Biglari PastoCovac-y koronawirusa garşy iň howpsuz sanjym hökmünde häsiýetlendirdi we onuň Kubadaky beta-görnüşine hem-de Eýrandaky delta-görnüşine garşy synagdan geçirilendigini, şonda sanjymyň 96% netijeliligini görkezendigini aýtdy.
Ol Eýranda her aý PastoCovac sanjymynyň 5 million dozasynyň öndürilýändigini, çagalar üçin iki dozanyň ýeterlikdigini habar berdi.
