2021-nji ýylyň jemleri boýunça Türkmenistandan Gruziýa eksport edilen nebit we nebit önümleriniň bahasy 191,8 million dollara barabar bolup, ol geçen ýyl bilen deňeşdirilende, 186,2 göterim köpdür. Bu barada Türkmenistanyň nebitgaz toplumynyň resmi saýtynda habar berilýär.
Iberilen serişdeleriň möçberi mukdar bahada 103,1 göterim ýokarlanyp, 149 müň 711 tonnadan 304 müň 193 tonna çenli baryp ýetdi. Eksportyň artdyrylmagy bilen, Türkmenistan Gruziýa nebit we nebit önümlerini ibermekde öňdeligi saklady. Bu görkezijide Russiýa (134,6 million dollar) we Rumyniýa (133,7 million dollar) ikinji hem-de üçünji orunlary paýlaşýar.
