Garyşyk stiliň (MMA) russiýaly söweşijisi Habib Nurmagomedow 2021-2022-möwsüminiň Çempionlar ligasynyň ýeňmek ähtimallygy ýokary bolan toparlarynyň bäşligini aýtdy. Bu barada ol MMA Junkie-niň YouTube kanalyna beren interwýusynda gürrüň berdi diýip, lenta.ru belleýär.
Söweşijiniň pikiriçe, ýaryşda “Liwerpul”, “Mançester Siti”, Madridiň “Realy”, “Pari Sen-Žermen” üstünlik gazanyp biler. Sanawa Mýunheniň “Bawariýasy” hem goşuldy. Nurmagomedow saýlamagyň kyn bolandygyny, sebäbi kämahal möwsümiň gowy başlap, ahyryna çenli görnüşiň ýaramazlaşýan wagtlarynyň bolýandygyny-da düşündirdi.
ÇL-iň 1/8 finalynyň bije çekişigi 13-nji dekabrda boldy. Ony pleý-offda duşuşmaly däl bolan jübüt klublaryň yglan edilmegine getiren birnäçe tehniki ýalňyşlyklar sebäpli gaýtadan geçirmeli boldy.
Ilkinji oýunlar 15, 16, 22 we 23-nji fewralda geçiriler, jogap oýunlary 8, 9, 15 we 16-njy marta meýilleşdirildi. Çempionlar ligasynyň finaly Sankt-Peterburgdaky “Gazprom Arena” stadionynda geçiriler.
