«Zenit» resmi saýtynda Serdar Azmunyň klubdan Lewerkuzeniň «Baýer» klubyna geçendigi barada yglan etdi. Bu barada Sports.ru habar berýär.
Klublar 27 ýaşly eýranly futbolçynyň gyşky transfer möwsüminde geçmegi barada ylalaşyk gazandylar. «RB-Sport» telegram-kanalynyň maglumatlaryna görä, «Baýer» transfer üçin «Zenite» bonuslary hasaba alanyňda 4 million töweregi tölär.
«Zenit» futbol kluby ynanylmaz netijeliligi, umumy ýeňişlerimizden begenji we klubymyza hem-de janköýerlerimize söýgüsi üçin Serdar Azmuna minnetdarlyk bildirýär!» - diýlip habarda aýdylýar.
Türkmen gelip çykyşly eýranly futbolçy peterburg klubynyň düzüminde 2019-njy ýylyň fewralyndan bäri çykyş edip gelýärdi. Onuň hasabynda 104 oýunda 62 gol, 17 sany netijeli ýardam pasy, 2019/20 möwsümde iň gowy golçy hem-de 2020/21 möwsümde möwsümiň iň gowy futbolçysy ady bar.
«Zenitiň» düzüminde Azmun üç gezek ýurduň çempiony boldy, Kubogy we iki gezek Russiýanyň Superkubogyny gazandy.
