Amerikaly telekeçi Ilon Mask Tesla-nyň paýnamalarynyň bahalarynyň arzanlamagy sebäpli 21 mlrd dollardan gowrak ýitirdi. Muny Forbes-iň milliarderler reýtinginiň maglumatlary delillendirýär.
Şeýlelikde, bir gün öň Tesla-nyň paýnamalarynyň 10,75%, ýagny 837 dollara çenli arzanlandygy bellenilýär. Netijede, Maskyň baýlygy 8,84 göterim azaldy. Häzirki wagtda onuň baýlygy 221,3 mlrd dollara deň diýip, TASS-a salgylanyp, rg.ru ýetirýär.
Şeýle-de bolsa, Mask henizem Forbes-e görä dünýäniň iň baý adamlarynyň sanawynda birinji orny eýeleýär. Ikinji orunda 188,6 mlrd dollar bilen LVMH fransuz kompaniýalar toparynyň baş direktory Bernar Arno ýerleşýär. Üçünji orny 165,8 mlrd dollar bilen Amazon internet-söwda kompaniýasynyň esaslandyryjysy Jeff Bezos eýeleýär.
