Amerikan elektromobil öndürijisi Tesla dördünji çärýek we tutuş 2021-nji ýyl üçin maliýe hasabatyny hödürledi. 2021-nji ýylda girdeji 71% ýokarlanyp, 53,8 mlrd dollara, arassa girdeji 7,6 esse ýokarlanyp, 5,5 mlrd dollara ýetdi. Bu görkezijiler analitikleriň garaşýanyndan has gowy boldy. Tesla-nyň çärýek girdejisi 65% ýokarlanyp, 17,7 mlrd dollar, dördünji çärýekde arassa girdeji 8,5 esse ýokarlanyp, 2,3 mlrd dollar boldy. Öň habar berlişi ýaly, 2021-nji ýylda Tesla awtomobilleriniň üpjünçiligi 87% ýokarlanyp, 936 müňe ýetdi diýip, kommersant.ru belleýär.
Gowy netijelere garamazdan, Tesla-nyň bahalary hasabat neşir edilenden soň 5% peseldi. Ýöne soň olar diňe bir dikelmän, eýsem 2% ýokary bolup ýapyldylar. Maýadarlaryň şeýle garaýşyny analitikler Tesla-nyň 2022-nji ýylda üpjünçilik zynjyrlary bilen bagly meseleleriň netijelere ýaramaz täsir edip biljekdigi baradaky beýany bilen baglanyşdyrýarlar.
“Biziň hususy zawodlarymyz üpjünçilik zynjyrlarynyň esasy çäklendiriji faktor bolandygy sebäpli, eýýäm birnäçe çärýek bäri öz kuwwatyndan pes işleýärler we bu 2022-nji ýylda hem dowam edip biler” – diýip, Tesla belleýär. Kompaniýanyň baş direktory Ilon Mask ýat çipleriniň ýetmezçilik etmegi sebäpli kompaniýada çäklendirmeleriň saklanýandygyny, şol sebäpli 2022-nji ýylda onuň täze modelleri çykarmajakdygyny hem aýtdy. Munuň deregine Tesla bar bolan modelleriň üpjünçiligini artdyrmaga üns bermek isleýär, kynçylyklara garamazdan, ol şu ýyl olaryň üpjünçiligini 50% ýokarlandyrmagy meýilleşdirýär.
