ABŞ-da taryhda ilkinji gezek adama doňzuň birbada iki sany böwregi oturdyldy. Haýwanyň genomy oturdylmazdan öň korreksiýa edildi, adamyň immun ulgamy tarapyndan bölünmä getirip biljek bölekleri aýryldy. Bu barada American Journal of Transplantation habar berýär.
Nätanyş organlary ret edýän adam immuniteti uzak wagtdan bäri transplantologiýanyň esasy meseleleriniň biridi. Bu meseläni geçen on ýyllygyň başynda çözmek başartdy — genetikler «öz— keseki» tanaýyş ulgamynyň işine jogap berýän geni ýok etmegi öwrendiler.
Ilkibaşda, doňzuň ýüregini babuine oturtmak, ondan soňra bolsa, ölüm keselli adama oturtmak başartdy.
Häzir bolsa doňzuň birbada iki sany böwregini beýnisi ölen 57 ýaşly ýaşuly adama oturtmagyň hötdesinden gelindi.
Näsag koma düşdi, emma ondan öň öz organlaryny we bedenini ylma bagyş edipdi. Alymlar onuň garyndaşlaryndan synag operasiýasyny geçirmäge hem rugsat aldylar.
Operasiýa üstünlikli geçdi. Organlaryň ikisi hem beden bilen alyşdy, eýýäm ýarym sagatdan soň gany toksinlerden arassalap başladylar.
Öň, TmCars.info ABŞ-da adama ilkinji gezek doňzuň ýüregini oturtmak operasiýasynyň üstünlikli geçirilendigini habar beripdi.
