Renault awtoulag öndürijisi eýýäm 2030-njy ýylda Ýewropa bazaryna diňe elektrikli awtoulaglary çykaryp başlar. Bu barada car.ru habar berýär.
Renault gysga döwrüň içinde elektrikli awtoulaglara geçen ilkinji kompaniýalaryň biridir. Ýerine ýetiriji müdiriň wezipesini ýerine ýetirýän Luka de Meo kompaniýanyň 2030-njy ýyla çenli Ýewropa bazary üçin diňe elektrikleşdirilen awtoulaglary öndürjekdigini aýtdy. Munuň özi markanyň Renaulution strategiýasyny ösdürmäge ygrarlydygyny nobatdaky gezek tassyklaýar. Onuň çäginde kompaniýa içerki ýangyç hereketlendirijilerinden ýuwaş-ýuwaşdan ýüz öwrer.
Renault içerki ýangyç hereketlendirijili awtoulaglary 2030-njy ýyldan soň hem satar, ýöne diňe käbir bazarlarda. Munuň rumyniýanyň Dacia markasynyň üsti bilen amala aşyrylmagy ähtimal. Sebäbi Dacia markasy elektrikli ulaglaryň önümçiligine beýlekilere garanyňda has giç geçer diýip, çeşme belleýär.
