Çowdary çöregi iň peýdaly çörek bolup, onda aýratyn möhüm iýmit süýümi saklanýar. Bu barada Finlýandiýanyň Saglygy goraýyş we sosial ösüş institutynyň gözlegçisi Niina Kaartinen aýtdy diýip, “Helsingin Sanomat” ýazýar. Muny lenta.ru ýetirýär.
Onuň aýtmagyna görä, bu önüm günde bir gezek iýilse, aýallar ortaça kletçatkanyň 20%-ini, erkekler 30%-ini alýarlar. Çowdary çöreginde B witaminleri, tiamin we folium kislotasy bar.
Çörekde demir, magniý, sink, mis we ýod ýaly mineral maddalar hem bar. Gündogar Finlýandiýanyň uniwersitetiniň professory Marýukka Kolehmaýnen çowdary çöreginiň esasy peýdaly häsiýetleriniň kletçatka baglydygy bilen ylalaşýar. Bulardan başga-da, önüm içegede serotoniniň işlenip çykyşyny azaldýar diýip, ol aýtdy. Çowdary çöreginiň rasiona goşulmagy ýag we uglewod çalşygyna hem oňyn täsir eder, şeýle-de ikinji görnüşli süýji keseliniň güýçlenmegini togtadar.
Çowdary çöregi içegäniň saglygy üçin hem peýdalydyr, sebäbi bu organyň rak keseliniň güýçlenmek töwekgelçiligini azaldýar.
