Gidrometeorologlaryň çaklamalaryna görä, şu hepde Türkmenistanda az-kem ýagyşly howa bolup, günüň dowamynda üýtgäp durýan howa bolar.
Duşenbe güni Lebap welaýatynda +6 gradus howa bolar. Sişenbeden penşenbe aralygynda +12-den +14 gradusa çenli maýyl bolar. Anna güni +16 gradus bolar. Şenbede howanyň temperaturasy +10 gradusa düşüp, ýekşenbede +12 gradus bolar.
Mary welaýatynda hepdäniň başy +9 gradusdan başlar. Sişenbeden penşenbe aralygynda howanyň temperaturasy +17 gradus bolar. Anna we Şenbe günleri termometriň görkezijileri +15 gradus bolar, 4,6 mm-ýetýän ýagyş ýagar. Ýekşenbe güni howanyň temperaturasy +11 gradusa ýetip, az-kem ýagyş ýagmagy mümkin.
Daşoguz welaýatynda duşenbede +2 gradus bolar. Sişenbeden şenbä çenli howanyň temperaturasy +7 — +5 gradus bolar. Anna güni 3,6 mm-e ýetýän ygal düşmegi we sekuntda 15 metre ýetýän şemal öwüsmegi mümkin. Ýekşenbe güni howanyň +4 gradusa düşmegine garaşylýar.
Balkan welaýatynda duşenbede güneşli howa bolup, +13 gradus maýyl bolar. Sişenbede +15 gradusa çenli maýlap, ygal düşmegi ahmal. Çarşenbede termometriň görkezijisi +12 gradus bolar. Penşenbede +17 gradusa çenli maýlamagyna garaşylýar. Anna we şenbe günleri howanyň temperaturasy +11 gradus bolar, anna güni ýagyş ýagmagy ahmal. Ýekşenbe güni termometriň görkezijisi +7 gradusa düşüp, 2,4 mm çenli ygal düşmegi ahmal.
Aşgabatda we Ahal welaýatynda duşenbeden çarşenbe aralygynda gündizki maksimal temperaturanyň +10 — +12 gradus aralygynda bolmagyna garaşylýar. Penşenbe güni +16 gradusa çenli maýyl howa bolar. Anna güni termometriň görkezijisi +11 gradus bolup, 2,8 mm-e çenli ygal düşmegi ahmal. Şenbede +14 gradusa çenli maýyl bolup, ýekşenbe güni ýene-de +7 gradusa çenli sowamagy ahmal. Ýagyş gatyşykly gar ýagmagy ahmal.
