Geljek hepde Türkmenistanda aram maýyl howa bolar. Diňe demirgazyk welaýatda az-kem sowuk bolar. Ýurduň käbir sebitlerinde az-kem ýagyş ýagmagy mümkin.
Lebap welaýatynda duşenbeden penşenbe aralygynda ýagynly howa bolmagy mümkin. Duşenbede +13 gradus bolmagyna garaşylýar. Sişenbe güni termometriň görkezijisi +6 gradusa düşer. Çarşenbede +11 gradusa galyp, penşenbede +9 gradus bolar. Annadan ýekşenbe aralygynda +6 gradus bolar.
Mary welaýatynda duşenbe güni +15 gradus bolar. Sişenbe güni howanyň temperaturasy +7 gradusa çenli aşaklap, ýagyş ýagmagy ahmal. Çarşenbe güni +14 gradusa çenli maýlap, penşenbede ýene-de +9 gradusa düşer. Annadan ýekşenbe aralygynda +10 gradus bolar.
Daşoguz welaýatynda duşenbede maksimal temperatura +3 gradus bolar. Sişenbe güni howanyň temperaturasynyň +1 gradusa çenli aşaklamagyna garaşylýar. Çarşenbe güni +5 gradusa çenli ýokarlanyp, az-kem ýagyş ýagmagy ahmal. Penşenbe we anna günleri howanyň temperaturasy +5 gradus bolar. Şenbe güni +2 gradusa we ýekşenbe güni +4 gradusa çenli sowuk howa bolar.
Balkan welaýatynda duşenbeden penşenbe aralygynda maksimal temperatura +10 gradus bolar. Anna güni +15 gradusa çenli gyzar diýip, gidrometeorologlar çaklaýar. Dynç günleri +11 gradus bolup, ýekşenbe güni az-kem ýagyş ýagmagy mümkin.
Aşgabatda we Ahal welaýatynda hepde +12 gradus görkezijiden başlar. Sişenbeden penşenbe aralygynda howanyň temperaturasy +7 — +10 gradus aralygynda bolar. Annadan ýekşenbe aralygynda güneşli howa bolup, howanyň temperaturasy +11 gradus bolar.
