Bütindünýä Saglygy Goraýyş Guramasy kompýuter oýunlaryna baglylygy resmi taýdan kesel diýip yglan etdi. Bu barada saglyk bilen bagly keseller we meseleler boýunça Halkara statistika klassifikasiýasynyň maglumatlaryna salgylanyp, RIA Nowosti habar berýär.
Resminama laýyklykda, kompýuter we wideo oýunlara aşa bagly bolmak ýagdaýy psihiki taýdan näsazlygyň täze görnüşi hasaplanýar. Keseliň bu görnüşini anyklamak üçin adamyň maşgala durmuşynda, sosial, bilim, hünär we durmuşyň beýleki ugurlarynda oýunlar sebäpli ýüze çykýan näsazlyklaryň alamatlaryna bir ýylyň dowamynda syn edildi.
BSGG-niň psihiki taýdan işjeň serişdeler we bagly bolmak endigi ulgamy boýunça bilermeni Wladimir Poznýak bu kesel bilen bagly alamatlary diňe ýörite okadylan hünär bilimli lukmanyň goýup biljekdigini aýdýar. Onuň sözlerine görä, şeýle ýagdaý bu kesel bilen kesellän adamyň dogan-garyndaşlarynyň ýa-da dostlarynyň şahsy pikiri esasynda hasaba alynmaly däldir.
