27-nji dekabrda Prezident Gurbanguly Berdimuhamedowyň ýolbaşçylygynda Ministrler Kabinetiniň hem-de Döwlet Howpsuzlyk geňeşiniň 2021-nji ýyldaky bilelikdäki soňky mejlisinde 2022-nji ýylyň şygary yglan edildi we tassyklandy.
2022-nji ýylyň şygary «Halkyň Arkadagly zamanasy» diýip yglan edildi. Bu barada «Watan» habarlar gepleşiginde bellenilip geçildi.
Gurbanguly Berdimuhamedow Ministrler Kabinetiniň mejlisinde eden çykyşynda her ýyl bir şygaryň yglan edilýändigini belläp, şol şygaryň öňde goýýan maksatnamalarymyza tarap ynamly öňe gitmäge ýardam edýändigini mälim etdi.
Döwlet Baştutany Türkmenistanyň Milli Geňeşiniň Mejlisiniň Başlygynyň beren maglumatyna laýyklykda, deputatlaryň halkymyz bilen giňden ara alyp maslahatlaşmagynyň netijesinde, olaryň geljek ýylyň şygaryny we nyşanyny teklip edendiklerini belledi.
Belläp geçsek, 2021-nji ýyl ýurdumyzda «Türkmenistan — parahatçylygyň we ynanyşmagyň Watany» şygary astynda geçirildi.
