2021-nji ýylyň ýanwar – noýabr aýlarynda Türkiýäniň raýatlarynyň işe ýerleşmek maksady bilen Türkmenistana amala aşyrýan saparlarynyň sany köpeldi. Bu barada Türkiýäniň Iş bilen üpjün ediş gullugynyň Baş edarasyna (İŞKUR) salgylanyp, Trend habar berýär.
Görkezilen döwürde İŞKUR liniýasynyň üsti bilen Türkmenistana gelen türk raýatlarynyň sany geçen ýylyň ýanwar – noýabr aýlary bilen deňeşdirilende 20,5 esse artyp, 182-ä ýetdi. Umuman, hasabat döwründe İŞKUR liniýasy arkaly daşary ýurda Türkiýäniň 13 171 raýaty gitdi, bu 2020-nji ýylyň ýanwar – noýabr aýlaryna garanyňda, 29,9 göterim köpdür.
Noýabr aýynda İŞKUR liniýasy arkaly 121 193 türk raýaty iş bilen üpjün edildi. Iş gözleýänleriň 98,9 göterimi hususy pudakda iş tapdy.
2021-nji ýylyň noýabr aýynda Türkiýede işsizleriň sany 3,182 milliona barabar boldy, olardan 49,4 göterimi – aýallar, 50,6 göterimi – erkekler.
