Türkmenistan we Eýran Yslam Respublikasy bar bolan bökdençlikleri aradan aýryp, gaz ylalaşygyny gaýtadan dikeltmegi meýilleşdirýär. Bu barada IRNA agentligi EYR-nyň Prezidenti Ebrahim Raisiniň sözlerine salgylanyp habar berýär.
"Eksportyň artmagyny we ösüşi gazanmak üçin biz bökdençlikleri aradan aýyrmaly» diýip, eýran Lideri eýranly işewürler we telekeçiler bilen duşuşygynda belledi.
Ykdysadyýet babatda Hökümetiň bu günki gün esasy ileri tutýan ugry hökmünde Raisi ähli ulgamlarda, şol sanda ykdysadyýet we söwdada öňegidişlik gazanmagy göz öňünde tutýar.
"Ýurdumyzyň ikitaraplaýyn we sebit hyzmatdaşlygyny ösdürmek üçin laýyk bolan ykdysady we söwda infrastruktura bar. Şonuň üçin hem biz söwdagärleriň we eksport edijileriň işini ýeňilleşdirip, bu ugurda tagallalary etmelidiris» - diýip, ol belledi.
Eýranyň Prezidentiniň şeýle hem belleýşi ýaly, Eýranyň ŞHG agza bolmagy sebitiň döwletleri bilen gatnaşyklary giňeltmäge oňyn ýardam eder.
