OPEK+-e agza ýedi ýurt iýul aýynda nebit çykarylyşy boýunça umumy möçberi gije-gündizde 188 müň barrel artdyrmak barada ylalaşdy. Şeýle çözgüt öň iýun aýy üçin hem kabul edilipdi.
Ylalaşyga gatnaşyjylar Saud Arabystany, Russiýa, Yrak, Kuweýt, Gazagystan, Alžir we Oman döwletleridir. Bu çözgüt onlaýn duşuşygyň barşynda kabul edildi. Ýurtlaryň indiki geňeşini 5-nji iýulda geçirmek meýilleşdirilýär.
Russiýanyň iýul aýyndaky nebit öndürijiligi gije-gündizde 62 müň barrel artar we 9,8 million barrel bolar. Saud Arabystany hem çykarylyşy hut şonça möçberde artdyryp biler, bu bolsa gije-gündizde 10,3 million barrel bolup, ylalaşyga gatnaşyjylaryň arasyndaky iň ýokary görkezijidir.
Iň az kwota Oman üçin göz öňünde tutulandyr. Iýul aýynda bu ýurt gije-gündizde 831 müň barrel nebit çykaryp biler, bu bolsa iýun aýyndakydan 5 müň barrel köpdür.
Birleşen Arap Emirlikleri 1-nji maýda OPEK-den we OPEK+-den çykdy. Guramanyň maglumatlaryna görä, 2024-nji ýylda bu ýurduň paýyna OPEK-iň önümçiliginiň umumy möçberiniň 13,5 göterimi düşüpdi.
