Şenbe güni Türkmenistanyň Prezidenti Gurbanguly Berdimuhamedow YHG sammitine gatnaşmak üçin Aşgabada gelen Pakistanyň Prezidenti Arif Alwi bilen duşuşdy.
Iki ýurduň Liderleri parahatçylyk we howpsuzlyk nukdaýnazardan sebitdäki ýagdaýlar boýunça pikir alyşdylar, Owganystandaky ykdysady we ynsanperwer ýagdaýlarda ünsi jemlediler.
Owganystanda durnukly parahatçylygyň ýola goýulmagynyň sebitiň gülläp ösmegi üçin möhüm ähmiýete eýedigi nygtaldy.
Iki ýurduň Liderleri umumy gyzyklanma bildirilýän meseleleriň ählisi boýunça aragatnaşyk saklamagy ylalaşdylar.
Pakistanyň Prezidenti türkmen kärdeşine myhmansöýerligi üçin minnetdarlyk bildirdi. Alwi şeýle hem türkmen Liderini ýurt Garaşsyzlygynyň 30 ýyllygy bilen gutlady diýip, Express Tribune pakistan halkara gazeti habar berýär.
Awtomobil, demirýol we howa aragatnaşygynyň adamlaryň arasynda söwdany, syýahatçylygy ösdürmekde möhüm orun eýeleýändigi bellenilip geçildi. Alwi TOPH gaz geçirijisiniň taslamasynyň öz wagtynda tamamlanmagy babatda Pakistanyň goldawyny tassyklady we Berdimuhamedowy ýakyn wagtda Pakistana gelip görmäge çagyrdy.
