Apple 2025-nji ýyla çenli doly sürüjisiz elektromobili döretmegi maksat edinýär

  • 21.11.2021 08:52
  • 8.1k+

Apple kompaniýasy doly sürüjisiz elektromobili döretmek işini çaltlaşdyrmagy we 2025-nji ýyla çenli ony tamamlamagy maksat edinýär. Bu barada kompaniýadaky çeşmelere salgylanyp, Bloomberg agentligi habar berdi. Muny TASS ýetirýär. 

Apple-iň hünärmenleri bu taslamanyň üstünde 2014-nji ýylda işläp başladylar we şu ýylyň başynda ony geljek 5-7 ýylda tamamlamagyň ähtimallygy barada aýtdylar. Ýöne kompaniýanyň inženerleri köp sanly çylşyrymly meseleleri çözmeli bolýarlar, şonuň üçin elektromobiliň çykaryljak senesi üýtgäp biler. 

Elektromobilde adaty rul we pedal bolmaz. Ýöne ony işläp düzüjileriň ýüzbe-ýüz bolýan esasy meseleleriniň biri elektromobiliň howpsuzlygydyr. Munuň üçin hereket howpsuzlygyny üpjün eder ýaly kömekçi mehanizmleriň çylşyrymly ulgamy işlenip düzülýär. 

Apple-iň wekili teswir bermekden saklandy diýip, Bloomberg belleýär.


03.06.2025 20:52
3.3k+

Raibo atly koreýaly robot it diwaryň ýüzünden ylgamagy we parkury özleşdirdi

Günorta Koreýanyň Robototehnika we emeli aň barlaghanasynda işlenip taýýarlanan dört aýakly robot Raibo parkury özleşdirdi. Ol dik diwaryň ýüzünden ylgap, 1,5 metre çenli beýiklikdäki päsgelçiliklerden böküp we daşlyk ýerlerde hereket edip bilýär diýip, Science Robotics žurnalynda aýdylýar...

02.06.2025 13:37
2.9k+

Ýapon alymlary islendik adama dogry geljek emeli gany synagdan geçirýärler

Ýaponiýada emeli ganyň kliniki synaglaryna başlamaga taýynlanýarlar. Professor Hiromi Sakainiň ýolbaşçylygyndaky Nara lukmançylyk uniwersitetiniň hünärmenler toparynyň işläp taýýarlamasy, esasanam, adatdan daşary ýagdaýlarda we uzak sebitlerde donor ganynyň ýetmezçiliginiň meselesini çözüp biler...

31.05.2025 16:39
2.1k+

Alymlar derini, süňkleri we beýleki dokumalary 3D bio çap etmek üçin täze materiallary döretdiler

N.I.Lobaçewskiý adyndaky Milli barlag Nižegorod döwlet uniwersitetiniň himikleri (UNN) derini, süňkleri, gan damarlaryny we beýleki dokumalary 3D bio çap etmek üçin material döretdiler. Bu barada uniwersitetiň metbugat gullugy habar berdi...

12.05.2025 12:31
2.7k+

Alymlar 3D çap usulynda aortanyň ornuny tutýan bio dokumany çap etdiler

Ýel uniwersitetiniň (ABŞ) alymlary zeper ýeten bio dokumalary 3D çap usulynda döredilen bio dokuma bilen çalyşmagyň tehnologiýasyny işläp düzdüler. Synagda çap edilen aorta syçanlara üstünlikli imlpantasiýa edildi, bu bolsa adamlarda ýürek-damar kesellerini bejermekde täze mümkinçilikleri açýar...